عاشقة النيل
مشرفة قسم الصحة
الجنسية : سودانية
المهنة : طبيبة ان شاء الله
المزاج : رايقة
عدد الرسائل : 35
العضوية : 64
علم الدولة : 
تاريخ التسجيل : 14/06/2009
 | | موضوع: القلم ما بيزيل بلم !! الجمعة أبريل 02, 2010 4:07 pm | |
| من المواقف الطريفة اللاقتني وحيرتني
واحد من برامج قناة النيل الازرق
اعتقد واذا ماخاب ظني كان اسم البرنامج
للنساء وللرجال
ما متاكده والله من الاسم
المهم انو كانت المزيعه مستضيفه كم شخص والله اعلم عن مجالاتهم
انا لاني ماتابعت البرنامج من اولو
المهم جيت انا ولقيت دايره تبدا الكلام مع الزول دا
قال
انو استاذ في حاجه مرموقه وماعارفه شنو المهم سالتو عن انو هو متزوج اتنين
ولسه ماكملت كلامها زي الناس ابتسم ليها ابتسامه كده كيف كيف وقال ليها
ولسه حاعرس التالته والرابعه !!!!
طبعا هي اتخلعت انو لسه ماكملت كلامها وقاطعها قامت قالت ليهو
طيب بما انك مجرب الزواج مرتين يبقى اكيد في اسباب بتخلي الزول يتزوج اتنين وكمان التالته والرابعه
قال ليها ايوا فيه
قال سببو الاول
( بس انتو اتخيلو معاي درجة الفهم العندو )
قال انو ليييييييييييه المره تمشي تلد في بيت امها !!!!!!!!!!!!!!!!
وقالها بعصبيه كمان طبعا المزيعه الله يعلم شفتها ادتو نظره استنكار واستغراب وخلعه زاتو وبرضو استحقار
واحده
من الضيوف اتحرقت عليهو حرقه قالت ليهو انا اعتقد دا شي خااص جدا واعتقد
لو الزوج اتفاهم مع زوجته فيها مااعتقد بكون في مشكله يعني لو هو قال ليها
انتي الدي هنا في بيتك وانا بوفر ليك كل اسباب الراحه مااعتقد انها حترفض
المزيعة
عجبها الكلام وقامت سالتو طيب يا استاذ دا سبب خاص بالنسبه ليك انت يعني
انا بس عايزه اعرف اسباب عامه تخلي الراجل يعرس التانيه
بس يعني ليكم ان تتخيلو السبب التاني كان شنو !!!!
قال ليها بكل ما أوتي من قوة وهو بكورك كمان انا ماعارفه ليه وكمان صاري وشو
قال ليها المره اصلا بتستغل فتره الوحم وجيب وجيب وجيب
(( كانو المره التانيه الحيعرسها دي ما حيكون عندها وحم ولا تعب , عليكم الله شوفو درجه الفهم عندو لحدي وين ))
لاحظو في كل مره الراجل دا بغير كلامو لي حاجه اغبى من القبلها
الجماعه المعاهو اتخلعو انو اصلا دي مااسباب تخليك تعرس التانيه
واحده
من الضيوف برضو اتحرقت منو قالت ليهو انا بفتكر مافي داعي انك تقيس حياتك
الخاصه على الاسباب العامه وكلام كده عشان يفهم هو بقول في شنو
ههههههههههههههه
المهم رجعت المزيعه تاني تسالو لانو هي عايزه سبب مقنع او بالاصح اسباب عامه
طيب نحن عايزين منك اسباب عامه تخليك تعرس المره التانيه قال ليها
انا عايز اطبق السنه وكلام الشرع اعرس التالته والرابعه
واحد من الضيوف قال ليهو انت تطبق السنه عشان الاولى فيها عيب او نقص ؟!!
قال لالا والله مرتي الاولى ابدا مافيها عيب ولا نقص والله يشهد مامقصره
وماعارفه شنو ( في حين كان ماعجباهو انها تلد في بيت امها وماعاجباهو
حكايه الوحم !! )
ووالله العظيم قال ليهو سبب
( السبب دا خلوهو بالنية )
دا موش بالغ دا خجلنا عديل
لدرجه الناس القاعدين خلف الكاميرات ضحكو جنس ضحك عليهو وهو عااااادي ولا كانو قال كلام ماليهو معنى .
يعني الراجل دا
وحالتو استاذ كبير في حته مرموقه يكون معقوله مستوى فهمو للدرجه دي
يعني ياما ناس قرو جامعات وفعلا غيرتهم وبقتهم ناس كويسه وياما ناس مابعرفو الف من الياء وحكمة الدنيا كلها عندهم واولهم حبوباتنا
اقتنعت انو فعلا مافي تعليم بغير طالما الزول ماعايز يتغير
صدقو حبوباتنا لما قالو
القلم مابزيل بلم
تتوقعو شنو الاسباب البتخلي الزول
مهما ارتقى بالعلم درجات
ما بتغير ولسسسسه في عقليه لا تتماشى مع الواقع ؟!
وكل التقدير
| |
|
mustafa
المـــدير العــــــام
الجنسية : ســـوداني
المهنة : محـــاسب
المزاج : ممتــــــاز
عدد الرسائل : 1294
العضوية : 1
علم الدولة :
تاريخ التسجيل : 22/10/2008
| | موضوع: رد: القلم ما بيزيل بلم !! الخميس يونيو 17, 2010 1:41 pm | |
| عاشقة النيل
يديكي العافيه قولي آمين
هههههههههه
تسلم يداكي | |
|
كرم
مدير المنتدى
الجنسية : سوداني
المهنة : محاسب
المزاج : ممتاز
العـــمر : 40
عدد الرسائل : 204
العضوية : 2
تاريخ التسجيل : 24/10/2008
| | موضوع: رد: القلم ما بيزيل بلم !! الجمعة يونيو 18, 2010 5:28 am | |
| | |
|
عاشقة النيل
مشرفة قسم الصحة
الجنسية : سودانية
المهنة : طبيبة ان شاء الله
المزاج : رايقة
عدد الرسائل : 35
العضوية : 64
علم الدولة :
تاريخ التسجيل : 14/06/2009
| | موضوع: رد: القلم ما بيزيل بلم !! الإثنين سبتمبر 20, 2010 4:05 pm | |
| | |
|
