عاشقة النيل
مشرفة قسم الصحة
الجنسية : سودانية
المهنة : طبيبة ان شاء الله
المزاج : رايقة
عدد الرسائل : 35
العضوية : 64
علم الدولة : 
تاريخ التسجيل : 14/06/2009
 | | موضوع: الشباب بين الأمل والضياع الأحد نوفمبر 15, 2009 3:29 pm | |
| من اسباب
وقوع الشباب في الفئة المنحرفة
هي تناقضات في البيوت
مولانا محمد سيد حاج في واحده من محاضراتو بعنوان
( الشباب بين الأمل والضياع )
حكى قصه .. وقال
جاتو بت راكبة عربية اخر موديل
وتبكي بكاء هستيري
لدرجه خاف انها ممكن تموت
دخلها البيت واستقبلها احسن استقبال
وحاول يهديها
وحكت ليهو قصتها قالت انو هي وقعت ليها في شاب وهي بتصرف عليهو لانها بتصرف مرتب خيالي
والبت فيها خير لانها كافلة خمسه أُسر ايتام وبتديهم مرتب شهري
والشاب الساعدتو دا ظروفو صعبه ادتو راس المال
ولما جا عشان اتزوجها قال ليها قولي لي
" عرستك "
وقالت ليهو عرستك !!
قام قال ليها : وانا " قبلت "
قالت ليهو لكين الشهود وين ؟!
قال ليها : " والله خير الشاهدين " !!!!!
(( الله يقطعك يااخ بالجد زول حقير..شاحدة الله يشهد عليك جسمك كلو بالذنوب..استغفر الله العلي العظيم ))
ولمدة سنة ونص كان بعاشرها معاشرة الازواج
وبعدها قام شاكلها ونبزها وقال ليها تاني مااشوف خلقتك !!!
وقالت البت لي مولانا : هو لكين ماطلقني!!
قال ليها: هو اتزوجك في الاول عشان يطلقك
, هو يطلقوك عاد كيف تاني
وبكت بكا شديد
قال ليها انتي عملتي كده ليه ؟
قالت : امي وابوي في مشاكل ونقة يوميا , امي صاحبة الواطه وابوي دفع القروش وبنى عماره تلاته طوابق وكتب العماره باسم امي
واختي متزوجه ومابتجينا
واخوي فات
وانا قاعده في البيت ومابنتلاقة
وقدر ماابوي يفتح خشمو امي تقول ليهو اسمع ماعندك حاجه شيل شنطتك وامش
عندك معانا شنو ؟
وانا لقيت عند الشاب دا حنان وعطف لالقيتو عند ابوي ولا عند امي.
وبعد ما انتهى مولانا من قصتها قال:
في النهاية هو عطف مزيف , او ربما كان صادقا ولكنه لم يكون على قدر المسؤولية, وكانت النتيجة هذه السلسلة من المعانات.
الشباب يهرب من البيت لانه لم يجد الحنان والعطف
في البيت وكلما كانت الاسره مفككة وكلما كان هناك مشاكل أسريه كلما انعكس
هذا على الشباب ففرو من البيت فربما وقعوا في محاضن تربوية او في الرذيلة
او في أيدي سيئة تنتهي بالمخدرات والهروب من الواقع وتعطيل طاقات وقدرات الشباب وتغيب عقولهم وارادتهم وفهومهم .
بما إنو الدور الاساسي واقع على الاسرة
يبقى نص الدور واقع على الشاب نفسو
لو كانت صلتو بربو قوية كانت حتغنيهو من مشاكل كتيرة .
الله يحفظنا يارب
ويحفظ اولادنا وبناتنا
وكل اهالينا
والله يهدي الجميع ؛؛ | |
|
gadoahmed
نائب المــدير
الجنسية : سوداني
المهنة : مبرمج
المزاج : مكيف
العـــمر : 44
عدد الرسائل : 241
العضوية : 3
علم الدولة :
تاريخ التسجيل : 25/10/2008
| | موضوع: رد: الشباب بين الأمل والضياع الإثنين نوفمبر 16, 2009 10:22 am | |
| السلام عليكم
اللهم امين............. والله موضوع يحزن اختي عاشقة النيل ان يصل شبابانا وبناتنا الي هذا المستوي...........
احمد جادو | |
|
mustafa
المـــدير العــــــام
الجنسية : ســـوداني
المهنة : محـــاسب
المزاج : ممتــــــاز
عدد الرسائل : 1294
العضوية : 1
علم الدولة :
تاريخ التسجيل : 22/10/2008
| | موضوع: رد: الشباب بين الأمل والضياع الأربعاء نوفمبر 18, 2009 12:54 am | |
| عاشقة النيل ماعدمناكي
يبدأ ضياع الشباب وخراب الديار والسقوط في الهاوية من تفكك الاسر
فالاسرة هي العماد قبل المجتمع .
يديكي العافيه واللقمه الدافيه والصحه الوافيه ياعاشقة البحر الطويل قولي
آآآآمين | |
|
طيف الحبيب
قلم أساسي
الجنسية : سوداني
المهنة : أعمال حره
المزاج : عادي
عدد الرسائل : 224
العضوية : 17
تاريخ التسجيل : 07/11/2008
| | موضوع: رد: الشباب بين الأمل والضياع الأربعاء نوفمبر 18, 2009 12:59 am | |
| | |
|
عاشقة النيل
مشرفة قسم الصحة
الجنسية : سودانية
المهنة : طبيبة ان شاء الله
المزاج : رايقة
عدد الرسائل : 35
العضوية : 64
علم الدولة :
تاريخ التسجيل : 14/06/2009
| | موضوع: رد: الشباب بين الأمل والضياع الثلاثاء نوفمبر 24, 2009 11:16 am | |
| | |
|
دموع الورد
منور المنتدى
الجنسية : سودانية
المهنة : طالبة في مدرسة الحياة
المزاج : متقلبة المزاج
عدد الرسائل : 9
العضوية : 95
علم الدولة :
تاريخ التسجيل : 10/09/2009
| | موضوع: رد: الشباب بين الأمل والضياع الثلاثاء ديسمبر 29, 2009 7:33 am | |
| | |
|
