[size=25]هو اتعرف عليها من النت !!
وهي كمان
طيب !!
اضافها على الماسنجر .. طيب دا غلط ؟!!
لا
ليه ؟!
لانو نيتو سليمة ..وهي كمان نيتها سليمة !!
والاهم من دا كلو
انو عاااادي جداً
لانو يا انهم اعضاء في منتدى او اصدقاء في شات او في أي مصيبة !!
ياسبحان الله
طيب !!
بداية الكلام عادي جدا . . كلام عن المنتدى او عن أي موضوع نقاش !!
بعدها
بقى الوضع شبه طبيعي والحريه شويه زياده ..
كــ
احكي لي عن نفسك ؟!!
انا وانا وانا وانا
طيب وانت ؟!
انا وانا وانا وانا
دا شنو دا ؟!!
لا لسه كمان عادي
طيب
يقول ليها
ماشاء الله تبارك الله
انتي انسانة رائعه
وانتي وانتي وانتي
وهي
تسلم .. بس اخجلتني
بس كمان انت وانت وانت
حليلك يالمطرطش وسجم خشمك يالعويره
طيب بعدين
هو
مالك اتاخرتي ليه مادخلتي الليلة بدري؟!! من قبيل بستناك !
هي
معليش والله شالتني نومة
نوم العوافي يارب
بس انا ماقدرت انوم !!
ليه سلامتك مالك
في زول شاغل لي بالي !!
منو دا !!
انتي !! مابنوم طول الليل بفكر فيك!!
تنوم السهر !!
انا ؟!!
اشمعنا انا بالذات ؟!!
انتي غير عن كل العرفتهم >>> يعني بتعترف انك كنت بتعرف غيرها
انتي فيك شي مميز
تسلم اخجلتني بكلامك الحلو دا
والى غير ذلك من الكلام الما ليهو اي داعي
يعني بالله دا صاح ؟!!
الصاح لما تتكلمو في اشياء بعيده عن الشخصيه
دا لو لزم الامر في انك تكلمها !!
حتقول لي عااااادي
عادي في عينك
وين عادي وانت تتكلم معاها في اشياء مابتخصك!!
المفروض ماترضى ليها دا
بس العيب برضو ما فيك
فيها هي كمان
الغلط لما قبلت بالاسلوب دا .. وانو عادي عندها يتدخل في خصوصياتها
طيب بالنسبة ليهو
عادي انو يكلمها في مالا يعنيه ؟! وانو يتجرأ ويقول لها كلام من النوع المعسول !!
استغفر الله
هو يقول عادي بس لو اخته فكرت تعمل كده يدفنها وهي حيه !!
ليه ؟
لانو عيب
وانت ما عيب عليك ؟!! سبحان الله
حلال عليك وحرام عليها
طيب بما انك بتقول عاااااادي طيب خلي اختك تسوي زيك .. موش عادي؟!!
بالنسبة ليها
هي شايفة دا عادي .. طيب ليه ماتقول لي اهلك انك قاعده تكلمي واحد من اصدقائك
وبقى زي اخوكي.. موش عادي؟!!
تقول
ليك خايفه !! .. سجم خشمك تخافي من اهلك ومن ربك لا ؟! .. بما انك خايفة
من اهلك معناتها انتي عارفه انك مااا في الطريق السليم صاح ؟!!
انتي لو كنتي بتتكلمي معاهو في اشياء ما بتغضب ربك ماكان خفتي صاح؟!
ياسبحان الله
مافي زول قال ليك ما تتكلم او انتي ما تتكلمي معاهو
لا اتكلمو بس
في السليييم
عشان ربنا اولا
ثم انفسنا تانيا
ثم اهلينا ثالثا
خافو الله في كل حرف تكتبوهو
لانو الحرف دا حيكون ياشاهد عليك
يا شاهد ليك !!
والله يهدي الجميع
[/size]
